PËRKUSHTIM DHE
PASION QË PREJ 1994
Historiku
Geris shpk. është një kompani e ndërtuar mbi parimet e përkushtimit dhe pasionit që nga viti 1994. Ajo që filloi si një biznes i vogël familjar, i fokusuar kryesisht në tregtimin me shumicë dhe pakicë është shndërruar në një sipërmarrje dinamike, e nxitur nga një dëshira për ofrimin e ekselencës për secilin klient!
Gjithmonë në kërkim të progresit!
Ndërsa dëshira jonë për progres u zhvillua, ne njohëm potencialin për të ofruar një varietet edhe më të gjerë të produkteve, të fokusuara kryesisht në sektorin e higjienës. Ja pse zgjeruam gamën e produkteve duke përfshirë importin dhe shpërndarjen e markave të njohura globale.
Misioni ynë ishte dhe vazhdon të jetë i qartë: Të ofrojmë vlerë të shtuar për konsumatorët vendas duke ofruar akses në produkte me cilësi të lartë nga e gjithë bota. Sot mund të themi me krenari se GERIS shpk. është distributor zyrtar i disa prej markave më të mëdha të produkteve të konsumit në Shqipëri.
2013, fillimi i një
rrugëtimi të gjatë!
Të nxitur nga kërkesa në rritje në treg, ne filluam një rrugëtim transformues që do të formësonte të ardhmen tonë: investuam në një fabrikë gjigande & moderne të dedikuar për përpunimin e celulozës dhe prodhimin e derivateve të saj – duke u bërë e para kompani e këtij lloji në Shqipëri. Ky ishte vetëm fillimi i një rrugëtimi të gjatë, të fokusuar 100% tek cilësia, tek eksperienca e konsumatorit, dhe tek dëshira e vazhdueshme për të ofruar më të mirën!
Fabrika me teknologji moderne
GERIS sh.p.k me një fabrikë gjigande me teknologjinë më të fundit për prodhimin e letrës 100% celulozë. E para dhe më e avancuara e këtij lloji në Shqipëri dhe rajon, e pozicionuar në km. 20 të Autostradës Tiranë-Durrës. Me një sipërfaqe prej 10,000 m², ku përfshihet fabrika e përpunimit, ndërtesa e administratës dhe qendra logjistike. Ky organizim mundëson operacione efikase dhe siguron koordinim të pandërprerë në proçeset tona.
​
Për të përmirësuar më tej operacionet dhe kualitetin e shërbimit, ne kemi një qendër shpërndarjeje të dedikuar, të pozicionuar në km. 2 të autostradës Tiranë-Durrës, me një sipërfaqe totale prej 5,500 m². Kjo qendër mundëson efikasitet maksimal në rrjetin tonë të shpërndarjes, duke na lejuar t'u shërbejmë klientëve tanë me cilësinë e merituar!
VLERAT TONA
PASIONI
BASHKEPUNIMI
AMBICIA
ENTUZIASMI
BESIMI
INOVACIONI